சென்னை அருகே துணிகரம் !பட்டப்பகலில் மூதாட்டி வீட்டில் 150 சவரன் நகை கொள்ளை!

150 சவரன் நகை  சென்னை ஈக்காடுதாங்கலில் பட்டப்பகலில் மூதாட்டி வீட்டில் கொள்ளையடிக்கப்பட்டுள்ளது.

மூதாட்டியான அலமேலு என்பவர் தனது மகளுடன் கூட்டுக் குடும்பமாக வசித்து வருகிறார். இந்நிலையில் நேற்று காலை அலமேலு வெளியில் சென்றுவிட்டு வீடு திரும்பிய போது அவரது படுக்கை அறைக்குள் நகைகள் சிதறிக் கிடந்ததாகக் கூறப்படுகிறது. தான் 300 சவரன் நகையும், 2 லட்சம் ரூபாயும் பணமும் வைத்திருந்ததாகவும், அதில் சுமார் 150 சவரன் நகை கொள்ளையடிக்கப்பட்டுள்ளதாகவும், அலமேலு காவல் நிலையத்தில் புகார் அளித்துள்ளார்.

வீட்டை சுற்றி 5க்கும் மேற்பட்ட சி.சி.டிவி கேமராக்கள் உள்ள நிலையில், அதில் சந்தேகத்துக்கு இடமாக எவரும் பதிவாகவில்லை என்று கூறப்படுகிறது. இதையடுத்து வீட்டில் உள்ளவர்களோ தெரிந்தவர்களோ கொள்ளையடித்திருக்கலாம் என்ற கோணத்தில் போலீசார் விசாரணை மேற்கொண்டுள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.