பாலியல் வன்கொடுமை செய்யப்பட்ட 15 வயது சிறுமிக்கு ஆண் குழந்தை!

கடந்த சில மாதங்களுக்கு முன்பு தாரமங்கலம் அருகே 15 வயது சிறுமி பாலியல் பலாத்காரம் செய்யப்பட்டதாக கூறப்பட்டது. இந்நிலையில் இது குறித்து விசாரித்த போலீசார் ஏற்கனவே இரண்டு வாலிபர்களை சந்தேகத்தின் பேரில் பிடித்து விசாரித்து வருகின்றனர். இந்நிலையில் சேலம் மாவட்டம் ஓமலூர் அருகேயுள்ள தாரமங்கலம் அம்பேத்கர் நகரில் வசித்து வரக்கூடிய 15 வயது சிறுமியை கடந்த ஆகஸ்ட் மாதம் இறுதியில் வயிற்று வலி காரணமாக பெற்றோர்கள் தாரமங்கலம் அரசு ஆரம்ப சுகாதார நிலையத்தில் பரிசோதனை செய்து பார்த்த பொழுது அச்சிறுமி கர்ப்பமாக இருப்பது தெரியவந்துள்ளது. இதையடுத்து கடந்த 11ஆம் தேதி சேலம் மருத்துவமனையில் அனுமதிக்கப்பட்டு இருந்த அச்சிறுமிக்கு ஆண் குழந்தை பிறந்துள்ளது.

இந்நிலையில் சிறுமி குடும்பத்தினர் அளித்த புகாரின் பேரில் தாரமங்கலம் போலீசார் வழக்கு பதிவு செய்து விசாரணை நடத்தி வருகின்றனர். அப்பகுதியை சேர்ந்த சிறுமியின் உறவினர்களான 2 வாலிபர்கள் பாலியல் வன்கொடுமை செய்ததாகவும் அதனாலேயே சிறுமி கர்ப்பம் அடைந்து குழந்தை பெற்றதும் தற்பொழுது விசாரணையில் தெரியவந்தது. இதனை தொடர்ந்து சிறுமியின் உறவினர்கள் ஆகிய சரண்குமார், சண்முகராஜா ஆகிய இருவரிடம் தாரமங்கலம் போலீசார் தொடர்ந்து விசாரணை நடத்தி வருகின்றனர். இந்நிலையில் அச்சிறுமி வசித்து வரக்கூடிய வீட்டருகே உள்ள மக்கள் சிறுமியை பாலியல் வன்கொடுமைக்கு உள்ளாக்கிய வாலிபர்களை உடனடியாக கைது செய்ய வேண்டும் எனவும் கோரிக்கை விடுத்துள்ளனர்.