11 தீர்மானங்கள் திமுக மாவட்ட செயலாளர்கள் கூட்டத்தில் நிறைவேற்றம்!

சென்னை அறிவாலயத்தில் ஸ்டாலின் தலைமையில் மாவட்ட செயலாளர்கள் ஆலோசனை கூட்டம் இன்று நடைபெற்றது. இக்கூட்டத்தில் திமுக செயல் தலைவர் ஸ்டாலின், பொதுச்செயலாளர் அன்பழகன், முதன்மைச் செயலாளர் துரைமுருகன், துணை பொதுச்செயலாளர்கள் வி.பி.துரைசாமி உள்ளிட்டோர் பங்கேற்றனர்.
இதில், 2ஜி ஸ்பெக்ட்ரம் வழக்கிலிருந்து விடுதலையான கனிமொழி, ஆ.ராசா ஆகியோருக்கு பாராட்டு, மே 24, 25 ஆகிய தேதிகளில் ஈரோட்டில் மண்டல மாநாடு நடத்துவது எனவும்,  உள்ளாட்சி தேர்தல் உடனடியாக நடத்தப்பட வேண்டும், போக்குவரத்து தொழிலாளர் பிரச்சனையில் முதல்வர் தலையிட்டு தீர்வு காண வேண்டும், அரசியல் சட்டத்திற்கு எதிரான ஆளுநர் ஆய்வை தடுத்து நிறுத்த வேண்டும், ஓகி புயல் நிவாரண நிதியை உடனே வழங்க வேண்டும், விவசாய கடன்களை உடனே தள்ளுபடி செய்ய வேண்டும் என்பன உள்ளிட்ட 11 முக்கிய தீர்மானங்கள் நிறைவேற்றப்பட்டன.
source: dinasuvadu.com