10 நாள்கள் அமெரிக்க பயணம்..! ஓ.பன்னீர்செல்வத்திற்கு ரைசிங் ஸ்டார் விருது..!

துணை முதலமைச்சர் ஓ.பன்னீர்செல்வம் அவர்களின் அமெரிக்கா பயணம் தொடர்பாக அதிகாரப்பூர்வ அறிவிப்பு வெளியாகி உள்ளது.அதன் படி ஓ.பன்னீர்செல்வம் நவம்பர் 08-ம்  தேதி முதல் நவம்பர் 17 -ம் தேதி வரை 10 நாள்கள் அரசு பயணமாக ஓ.பன்னீர்செல்வம் செல்கிறார்.
நவம்பர் 08-ம் தேதி காலை சென்னையில் இருந்து புறப்படும் ஓ.பன்னீர்செல்வம் சிகாகோ செல்கிறார். நவம்பர் 08-ம் தேதி முதல் 13-ம் தேதி வரை சிகாகோவில்  பல நிகழ்ச்சியில் கலந்து கொள்கிறார்.
ஓ.பன்னீர்செல்வம்  நவம்பர் 13-ம் தேதி முதல் 14-ம் தேதி வரை வாஷிங்டனிலும் ,16-ம் தேதி நியூயார்க்கிலும் பல நிகழ்ச்சியில் கலந்து கொள்கிறார்.பிறகு 17-ம் தேதி தமிழ்நாடு திரும்புகிறார்.
இந்நிலையில் ஓ.பன்னீர்செல்வத்திற்கு நவம்பர் 10-ம் தேதி American Multi Ethnic Coalition Inc., சார்பாக International Rising star of the year- Asia award என்ற விருது வழங்கப்பட உள்ளது.