வேலூர் அருகே பள்ளி மாணவன் இரும்பு வாளியால் அடித்துக் கொலை!

10ம் வகுப்பு மாணவரை, வேலூர் மாவட்டம் சோளிங்கர் பகுதியை சேர்ந்த ,மர்மநபர்கள் அடித்து கொடூரமாக கொலை செய்த சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது

ராஜீவ்காந்தி நகர் பகுதியில் வசித்து வரும் நரசிம்மன் என்பவரின் மகன் கார்த்தி, அதேபகுதியில் தனியார் பள்ளியில் 10ம் வகுப்பு படித்து வந்தார். இந்நிலையில் நேற்று விளையாடச் சென்ற கார்த்தி, இரவு நீண்ட நேரம் ஆகியும் வீடு திரும்பவில்லை. இதனையடுத்து இன்று காலை வீட்டிற்கு அருகிலுள்ள ஏரியில், ரத்தகாயங்களுடன் கார்த்தியின் சடலம் இருப்பதை பார்த்த அப்பகுதி மக்கள், போலீசாருக்கு தகவல் அளித்துள்ளனர்.

கார்த்தி உடல் அருகே ரத்தகறையுடன் இருந்த இரும்பு வாளியை கைப்பற்றிய போலீசார் கார்த்தியை கொலை செய்தது யார் என விசாரணை மேற்கொண்டு வருகின்றனர். மேலும் கார்த்தியின் உடலை பிரேதப் பரிசோதனைக்காக அரசு மருத்துவமனைக்கு அனுப்பிவைத்தனர்.

மேலும் செய்திகளுக்கு தினச்சுவடுடன் இணைந்திருங்கள்.