” வங்கிகளுக்கு 7 நாட்கள் விடுமுறை” இல்லை என்ற அதிகாரபூர்வ தகவல் !

செப்டம்பர் மாதத்தின் 26ம் தேதி முதல் அக்டோபர் மாதத்தின் 2ம் தேதி வரை மொத்தம் 7 நாட்கள் வங்கிகள் விடுமுறை என்ற திடுக்கிட்டும் தகவல் பரவலாக பேசப்பட்டது. இதனால் அச்சமடைந்த பொதுமக்கள் வங்கிகள் முன்பு குவிய தொடங்கினர்.

செப்டம்பர் 26 மற்றும் 27ம் தேதிகளில் பொதுத்துறை வங்கிகள் இணைப்பைக் கண்டித்தும் மாதத்தின் 4வது சனிக்கிழமை என்பதாலும் 28ம் தேதியும் மற்றும் அக்டோபர் 2 ஆம் தேதி காந்தி ஜெயந்தி என்பதாலும் வங்கிகள் செயல்படாது என்ற தகவல் வெளியாகி பரபரப்பை ஏற்படுத்தியது.

இந்நிலையில், இந்த பரப்பான தகவலுக்கு வங்கி அதிகாரிகள் மறுப்பு தெறிவித்துள்ளனர். இதில் செப்டம்பர் 30ம் தேதியும் அக்டோபர் 1ம் தேதியும் வங்கிகள் வழக்கம்போல செயல்படும் என்று அறிவித்துள்ளனர். இதனால் தகவல் பொதுமக்களிடம் நிம்மதியை ஏற்படுத்தியுள்ளது.