மு.க. அழகிரிக்கு துண்டுபோட்டு வைக்கும் அதிமுக !அழகிரியின் துதிபாடும் அதிமுக முக்கிய தலைவர்கள்…!

மு.க.அழகிரிக்கு திடீரென்று அதிமுகவினர் ஆதரவு தெரிவித்து வருகின்றனர்.

மிகவும் எதிர்பார்க்கப்பட்ட அமைதி பேரணி ஒரு வழியாக முடிந்தது.ஆனால் முக.அழகிரி முக்கிய அறிவிப்பு எதையும் வெளியிடாதது பெரும் பரபரப்பை உண்டாக்கியது.பெரிய எதிர்பார்ப்புடன் நடந்த பேரணியின் முடிவில் பெரிய அறிவிப்பு வெளியாகும் என்று எதிர்பார்ப்பு நிலவியது. அதாவது அழகிரி தனது அரசியல் அறிவிப்பை வெளியிடுவார் என்று எதிர்பார்க்கப்பட்டது.இல்லையென்றால் திமுக குறித்தும் ,முக ஸ்டாலின் குறித்தும் பேசுவார் என்று எதிர்ப்பாசர்க்கப்பட்டது.ஆனால் முக.அழகிரி எதையுமே பேசாதது ஒரு பரபரப்பாக இருந்தது.

இந்நிலையில் அதிமுகவை சேர்ந்த முக்கிய பிரமுகர்கள் மு.க.அழகிரிக்கு ஆதரவாகவே பேசி வருகிறார்கள்.

இது தொடர்பாக  மக்களவை துணை சபாநாயகர் தம்பிதுரை கூறுகையில்,அதிமுக அரசுக்கு களங்கம் விளைவிக்கவே அமைச்சர் வீட்டில் சோதனை நடத்தப்பட்டுள்ளது.மேலும்  மு.க.அழகிரி நடத்திய பேரணியை இருட்டடிப்பு செய்யவே சோதனை நடத்தப்பட்டுள்ளது என்று கூறியுள்ளார்.

அதேபோல்  மதுரையில் அமைச்சர் செல்லூர் ராஜூ அழகிரி குறித்து கருத்து ஒன்றை தெரிவித்துள்ளார்.அவர் கூறுகையில், பல வருடங்களாக பதவியில் இல்லாமல் இருந்தாலும், மிகப்பெரிய கூட்டத்தை அழகிரி கூட்டியுள்ளார்.மு.க.அழகிரி பல்வேறு இடையூறுகளையும் தாண்டி தமிழகம் முழுவதிலும் இருந்து ஆயிரக் கணக்கான தொண்டர்களை திரட்டி உள்ளார். ஆனால் இடைத்தேர்தல் வரும் போது அழகிரிக்கு மக்கள் செல்வாக்கு உள்ளதா என்பது தெரியவரும் என்றும் மு.க.அழகிரிக்கு அமைச்சர் செல்லூர் ராஜூ பாராட்டும்  தெரிவித்துள்ளார்.

மு.க.அழகிரியை எதிரியாக பார்த்து வந்த அதிமுகவினர் திடீரென்று அவருக்கு ஆதரவாக கருத்துக்களை தெரிவித்து வருகின்றனர்.இந்த ஆதரவு அவரை கூட்டணியில் அவரை இழுப்பதற்காகவே என்றும் தகவல் வெளியாகியுள்ளது.என்ன நடக்கும் என்பதை பொறுத்து இருந்து தான் பார்க்க வேண்டும்.