முதலமைச்சர் பழனிசாமி உடம்பில் ஜெயலலிதாவின் ஆன்மா…!அவர் செய்றது அப்டிதான் இருக்கு …!அமைச்சர் பகீர் தகவல்

முதலமைச்சர் எடப்பாடி பழனிசாமி உடம்பில், ஜெயலலிதாவின் ஆன்மா புகுந்து விட்டது என்று வருவாய்த் துறை அமைச்சர் ஆர்.பி.உதயகுமார்  தெரிவித்துள்ளார்.

கடந்த 2016 ஆம் ஆண்டு முன்னாள் முதலமைச்சர் ஜெயலலிதா உடல்நலக்குறைவால் காலமானார்.அதற்கு பின்னர் அதிமுகவில் பல்வேறு குழப்பங்கள் நிலவி வருகின்றது.
ஜெயலலிதா அதிமுக பொதுச் செயலாளராக பதவி வகித்த நிலையில் அவர் மரணமடைந்ததை தொடர்ந்து, அக்கட்சியில் சசிகலாவின் ஆதிக்கம் தொடங்கியது. இதையடுத்து ஓ.பன்னீர்செல்வம் முதல்வர் பதவியிலிருந்து, விலகுமாறு நெருக்கடி வந்தது.
பின் ஓ.பன்னீர்செல்வம்  முதல்வர் பதவியை இழந்த நிலையில்  2017 பிப்ரவரி 8ம் தேதி, மெரினாவில் உள்ள ஜெயலலிதா சமாதி முன்பாக சென்று தியானத்தில் இருந்தார்.

பின்னர் செய்தியாளர்களிடம் பேசிய அவர் , தனது மனசாட்சி கேள்வி எழுப்பியதால்தான் ஜெயலலிதா நினைவிடத்திற்கு வந்ததாகவும், அவர் மறைவுக்குப் பிறகு நடைபெற்ற சம்பவங்கள் குறித்தும் பரபரப்பு தகவல்களைதெரிவித்தார்.
பின்னர் அதிமுகவில் சிலர் பன்னீர்செல்வம் தலைமையில் தனி அணியாக பிரிந்து சென்றனர்.பன்னீர்செல்வம்  அணி சொத்து குவிப்பு வழக்கில் சசிகலா சிறையில் அடைக்கப்பட்டதால் எடப்பாடி பழனிச்சாமி அணியுடன் இணைந்து கொண்டது.
ஆனால் தினகரன் தனியாக அம்மா மக்கள் முன்னேற்ற கழகம் என்ற கட்சியை  தொடங்கிவிட்டார்.

தற்போது முதலமைச்சர் எடப்பாடி  பழனிசாமி தலைமையில் ஆட்சி நடைபெற்று வருகிறது.
தற்போது  வருவாய்த் துறை அமைச்சர் ஆர்.பி.உதயகுமார் முதலமைச்சர் எடப்பாடி பழனிசாமி குறித்து கருத்து ஒன்றை தெரிவித்துள்ளார்.
அவர் கூறுகையில்,  முதலமைச்சர் எடப்பாடி பழனிசாமி உடம்பில், ஜெயலலிதாவின் ஆன்மா புகுந்து விட்டது என்று  தெரிவித்துள்ளார். மேலும்  முதலமைச்சர் எடப்பாடி பழனிசாமி மதிநுட்பத்துடன் ஆக்கபூர்வமாக சோர்வில்லாமல் உழைப்பதற்கு ஜெயலலிதாவின் ஆன்மாவே காரணம் என்றும் தெரிவித்தார்.
DINASUVADU