மீனவர் வலையில் சிக்கிய ஐம்பொன் சிவன் சிலை..!

நாகை மாவட்டம் சீர்காழி அருகே மீனவர் வலையில் சிக்கிய ஐம்பொன் சிவன் சிலை குறித்து போலீசார் தீவிர விசாரணை மேற்கொண்டு வருகின்றனர்.

புஷ்பராஜ் மற்றும் குமார் என்ற இருவர் கொள்ளிடம் ஆற்று பாலம் அருகே  மீன்பிடித்துக் கொண்டிருந்தனர்.அப்போது அவர்களது வலையில் கனமான பொருள் சிக்கியது போன்று தோன்றியதால், வலையை கரைக்கு இழுத்து சென்று பார்த்தனர்.

அதில் ஐம்பொன்னாலான சிவன் புலி தோல் மீது அமர்ந்து பின்புறம் நந்திசிலை மற்றும் உடுக்கை,சூலம் ஆகிய அமைப்பும், மரக்கிளையில் இரண்டு மயில்கள் அமர்ந்திருப்பது போன்று முக்கால்அடி உயரம் உடைய சிலை வலையில் சிக்கி இருந்தது.4 கிலோ எடை கொண்ட அந்த சிலையை அருகிலிருந்த கொள்ளிடம் காவல் நிலையத்தில் அவர்கள் ஒப்படைத்தனர். இதுகுறித்து போலீசார் விசாரணை மேற்கொண்டு வருகின்றனர்.