மாணவிகளை தவறான பாதைக்கு அழைத்த விவகாரம் :தேவைப்பட்டால் விசாரணை அறிக்கையை தாக்கல் செய்ய கூடுதல் அவகாசம்!சந்தானம்

விசாரணை அதிகாரி சந்தானம் ,பேராசிரியை நிர்மலா தேவி விவகாரத்தில், தேவைப்பட்டால் விசாரணை அறிக்கையை தாக்கல் செய்ய கூடுதல் அவகாசம் கோரப்படும் என்று தெரிவித்துள்ளார்.

மதுரை மத்திய சிறையில் நிர்மலா தேவியிடம் நேற்று விசாரணை நடத்திய சந்தானம் குழுவினர், பின் செய்தியாளர்களைச் சந்தித்தனர். விசாரணைக்கு நிர்மலாதேவி முழு ஒத்துழைப்பு கொடுத்ததாக கூறிய சந்தானம், இன்று தேவாங்கர் கல்லூரி செயலாளர் மற்றும் சிலருடன் விசாரணை நடத்தப்படும் என்றார். பேராசிரியர் முருகன், கருப்பசாமி ஆகியோரிடமும் விசாரணை நடத்த உள்ளதாகவும் அவர் தெரிவித்தார்.

இதனிடையே, காமராஜர் பல்கலைக்கழக முன்னாள் ஆராய்ச்சி மாணவரான கருப்பசாமியை 4 நாட்கள் காவலில் விசாரிக்க சி.பி.சி.ஐ.டி.க்கு சாத்தூர் நீதிமன்றம் அனுமதி வழங்கியது. விருதுநகர் சிபிசிஐடி அலுவலகத்திற்கு அழைத்து வரப்பட்ட கருப்பசாமியிடம் நேற்றே விசாரணையை தொடங்கினர். அவர் அளித்த வாக்குமூலத்தின் அடிப்படையில், காமராஜர் பல்கலைக்கழக புத்தாக்க பயிற்சி இயக்குனர் கலைச்செல்வன், தொலைதூரக் கல்வி இயக்குனர் விஜயதுரையை, சிபிசிஐடி போலீசார் துருவி துருவி விசாரணை நடத்தினர். மேலும் சில முக்கிய அதிகாரிகளை விசாரணை வளையத்திற்குள் கொண்டு வரவும் சிபிசிஐடி திட்டமிட்டுள்ளது.

மேலும் செய்திகளுக்கு தினச்சுவடுடன் இணைந்திருங்கள்.