மக்களைக் மாசுபாடுகளிலிருந்து காப்பது அரசின் கடமைதான்…! அரசுக்கு நோட்டீஸ்…!

இந்த வழக்கு தலைமை நீதிபதி இந்திரா பானர்ஜி, நீதிபதி ஏ.செல்வம் அமர்வு முன்னிலையில் விசாரணைக்கு வந்தபோது, தமிழக அரசு தரப்பில் ஆஜரான வழக்கறிஞர் ராஜகோபாலன் காற்று மற்றும் நீர் மாசுபாடுகள் தொடர்பாக சம்பந்தப்பட்ட துறைகளில் யார் யாருக்கு கோரிக்கை மனு அளித்தார் என்ற விவரங்களை குறிப்பிடாமல் வழக்கு தொடர்ந்துள்ளார் என தெரிவித்தார்.

அப்போது அதிருப்தி அடைந்த நீதிபதிகள், மனு அளித்தாலும், இல்லாவிட்டாலும் மாசிலிருந்து மக்களைப் பாதுகாப்பது அரசின் கடமை இல்லையா? என கேள்வி எழுப்பினர். காற்று மற்றும் நீர் மாசுபாட்டில் இருந்து மக்களைப் பாதுகாப்பது அரசின் பணிதான் எனக் குறிப்பிட்டனர்.

மேலும், தற்போது எங்கு தான் மாசு இல்லாமல் இருக்கிறது? நீதிபதிகளின் அறைகளை திறந்து வைக்கக் கூட முடியாத அளவிற்கு மாசு எல்லா இடத்திலும்தான் உள்ளது. இவ்வாறு காற்று மாசுபாடுகள் உள்ளதால் நுரையீரல் சம்பந்தமான நோய்கள் வரும் வாய்ப்பு உண்டு, குறிப்பாக நுரையீரல் புற்றுநோய் ஏற்பட வாய்ப்பு உள்ளது என நீதிபதிகள் கருத்து தெரிவித்தனர்.

இதையடுத்து வழக்கு தொடர்பாக மத்திய மாநில அரசுகள், தமிழ்நாடு மாசு கட்டுப்பாட்டு வாரியம் ஆகியவை 2 வாரத்தில் பதிலளிக்க உத்தரவிட்ட நீதிபதிகள் வழக்கை இரண்டு வாரத்திற்கு ஒத்திவைத்தனர்.

மேலும் செய்திகளுக்கு தினச்சுவடுடன் இணைந்திருங்கள்.