மக்களவை தேர்தல்..! சிவகங்கை தொகுதியில் ஓ.பி.எஸ் போட்டியிட விருப்ப மனு

OPS: மக்களவை தேர்தலில் சிவகங்கை தொகுதியில் ஓ.பன்னீர் செல்வம் போட்டியிட அவரின் ஆதரவாளர் மருது அழகுராஜ் விருப்ப மனு அளித்துள்ளார். மக்களவை தேர்தல் நெருங்கும் நிலையில் கூட்டணி, மற்றும் தொகுதி பங்கீட்டை இறுதி செய்ய அரசியல் கட்சிகள் தீவிரம் காட்டி வருகின்றன. தமிழகத்தில் திமுக கூட்டணியில் கட்சிகளின் தொகுதி பங்கீடு முடிந்துள்ளது. அதே நேரத்தில் அதிமுக கூட்டணி இன்னும் உறுதியாகவில்லை.

Read More – போதைப் பொருள் சர்வ சாதாரணமாக கிடைக்கிறது..! ஆளுநரை சந்தித்த பின் எடப்பாடி பழனிச்சாமி பேட்டி

அதிமுகவில் இருந்து நீக்கப்பட்ட முன்னாள் முதல்வர் ஓ பன்னீர் செல்வம் மற்றும் டிடிவி தினகரன் ஆகியோர் பாஜக கூட்டணிக்கு செல்லலாம் என்று கூறப்பட்டாலும் இதுவரை அதிகார்ப்பூர்வ அறிவிப்பு வெளியாகவில்லை.

இதனிடையே, ஓ.பன்னீர் செல்வம் அதிமுக தொண்டர்கள் உரிமை மீட்பு குழு ஒன்றை தொடங்கியுள்ளார். தேர்தலில் ஓ.பி.எஸ் அணி சார்பாக போட்டியிட விரும்புவோர் இன்று நேர்காணலில் கலந்து கொள்ள அழைப்பு விடுக்கப்பட்டுள்ளது.

Read More – மக்களவை தேர்தல்..! விறுவிறுப்பாக நடைபெற்ற திமுக மற்றும் அதிமுக வேட்பாளர் நேர்காணல்

இன்றே விருப்ப மனுவையும் அளித்து நேர்காணலிலும் கலந்துக் கொள்ள அதிமுக தொண்டர்கள் உரிமை மீட்பு குழு மூலம் அறிவுறுத்தப்பட்டுள்ளது, இந்த நிலையில் ஓ.பன்னீர்செல்வம் சிவகங்கை நாடாளுமன்ற தொகுதியில் போட்டியிட அவர் அணியின் கொள்கை பரப்பு செயலாளர் மருது அழகுராஜ் விருப்ப மனு அளித்துள்ளார்.