பொதுவான சட்டம் தனியார் பள்ளிகளுக்கும் இயற்ற குழு அமைப்பு!

சட்டப்பேரவையில் முன்வைக்கப்பட்ட பள்ளிக்கல்வித்துறை கொள்கை விளக்க குறிப்பில் ,அனைத்து வகை தனியார் பள்ளிகளுக்கும் பொதுவான சட்டம் மற்றும் விதிகளை வகுத்திட, மதுரை காமராஜர் பல்கலைக்கழகத்தின் முன்னாள் துணைவேந்தர் தலைமையில் வல்லுநர் குழு அமைக்கப்பட்டிருப்பதாக கூறப்பட்டிருக்கிறது.

தமிழ்நாடு பொதுப்பாடத்தின்படி மாநிலத்தில் செயல்பட்டு வரும் தனியார் பள்ளிகள் அனைத்தும், மாநில பள்ளிக்கல்வி பொதுப்பாட சட்டம் 2010-ன் கீழ் கொண்டுவரப்பட்டிருப்பதாகவும், தெரிவிக்கப்பட்டிருக்கிறது.

இதுவரை, 6 ஆயிரத்து 500 பள்ளிகளுக்கான கட்டணத்தை கல்வி கட்டண குழு நிர்ணயித்துள்ளதாகவும் கூறப்பட்டிருக்கிறது. குறிப்பிட்ட பள்ளியால் நிர்ணயிக்கப்பட்ட கட்டணத்தைவிட கூடுதலாக வசூலித்த 63 லட்சத்து 86 ஆயிரத்து 290 ரூபாயை, மாணவர்களிடம் திரும்ப வழங்க கட்டண நிர்ணய குழு ஆணையிட்டிருப்பதாகவும் கூறப்பட்டிருக்கிறது.

மேலும் செய்திகளுக்கு தினச்சுவடுடன் இணைந்திருங்கள்.