பேஸ்புக்கில் 45 நிமிடங்கள் லைவ்வாக ஓடிய காலா!கைதான பேஸ்புக் லைவ் மன்னன்

பேஸ்புக்கில் லைவ்வாக சிங்கப்பூரில் இருந்து காலா படத்தை  ஒளிபரப்பிய பிரவீன் என்பவர் கைது செய்யப்பட்டுள்ளார்.

சிங்கப்பூர் கேத்தே திரையரங்கிலிருந்து பேஸ்புக்கில் காலா திரைப்படத்தை 45 நிமிடங்கள் லைவ் செய்ததால் படக்குழு அதிர்ச்சி அடைந்துள்ளனர். இந்நிலையில், பிரவீன் என்பரை சிங்கப்பூர் போலீசார் கைது செய்துள்ளனர்.

பா. ரஞ்சித் இயக்கத்தில் நடிகர் ரஜினிகாந்த் நடித்துள்ள காலா திரைப்படம் நாளை வெளியாகிறது. இப்படத்தில் ரஜினி, ஈஸ்வரி, சமுத்திரக்கனி நடித்துள்ளனர்.

இப்படத்திற்கான ஆன்லைன் டிக்கெட் ரிசர்வேஷன் கடந்த ஞாயிறு துவங்கியது. சென்னையில் பல தியேட்டர்களில் வார இறுதி நாட்களுக்கே டிக்கெட் கிடைப்பதாகவும், ஆன்லைன் முன்பதிவு மந்தமாக இருப்பதாகவும் தகவல்கள் வெளியானது.

இந்நிலையில், சென்னை கமலா திரையரங்கில் நாளை காலா திரைப்படத்திற்கு பதில், ஜூராசிக் வேல்டு திரைப்படம் திரையிடப்படும் என கமலா திரையரங்கின் மேலாளர் கோபி தகவல் தெரிவித்துள்ளார்.