பதட்டம் , பரபரப்பு களமிறங்கிய புலிப்படை : அரசையும் , காவல்துறையையும் கண்டித்து சுவரொட்டி..!!

சென்னையில், கருணாஸ் மீது வழக்குப்பதிவு செய்யப்பட்டதை கண்டித்து போஸ்டர் ஒட்டப்பட்ட விவகாரம் தொடர்பாக, காவல்துறையினர் வழக்குப்பதிவு செய்துள்ளனர்.

சென்னையில், கடந்த 16ஆம் தேதி, முக்குலத்தோர் புலிப்படை சார்பில் நடைபெற்ற ஆர்ப்பாட்டத்தில் பேசிய நடிகர் கருணாஸ்  முதலமைச்சரையும், காவல்துறை அதிகாரியையும் சரமாரியாக  அவதூறாக பேசினார். இந்த விவகாரத்தில், கருணாஸ் உள்ளிட்ட மூன்று பேர் மீது 6 பிரிவுகளின் கீழ், வழக்குப்பதிவு செய்யப்பட்டுள்ளது.

நடிகர் கருணாஸ் மீது வழக்கு பதிந்ததும் இதனை கண்டித்து, வெள்ளிக்கிழமையன்று, சென்னையில் முக்குலத்தோர் புலிப்படை சார்பில் சுவரொட்டிகள் ஒட்டப்பட்டன. இதுதொடர்பாக, விருகம்பாக்கம் காவல் உதவி ஆய்வாளர் அளித்த புகாரின் பேரில், விருகம்பாக்கம் காவல்நிலையத்தில், 409ஆவது பிரிவின் கீழ் வழக்குப்பதிவு செய்யப்பட்டுள்ளது.

இன்று காலை நடிகர்  கருணாஸ் கைது செய்யப்பட்டு நீதிபதி முன்பு ஆஜர்படுத்தப்பட்டு  அக்டோபர் 5 ஆம் தேதி வவரை  நீதிமன்ற காவலில் வைக்க வேண்டும்  என்று நீதிபதி உத்தரவிட்டது குறிப்பிடத்தக்கது.இதனால் பரபரப்பும் , பதட்டமும் நீடிக்கிறது.பதட்டமான இடங்களை போலீஸ் தீவிரமாக கண்காணித்து வருகின்றனர்.

DINASUVADU