நான் பிரத்தனை செய்ததால்தான் மேட்டூர் உட்பட பல அணைகள் நிரம்பியது!முதலமைச்சர் பழனிசாமி தகவல்

மேட்டூர் உட்பட பல அணைகள் நான் பிரார்த்தனை செய்தது போன்று நிரம்பியுள்ளது   என்று முதலமைச்சர் பழனிசாமி தெரிவித்துள்ளார்.

மேலும் அவர் கூறுகையில்,கடந்த முறை திருப்பதிக்கு நான் சென்றபோது அணைகள் அனைத்தும் நிரம்ப வேண்டும் என பிரார்த்தனை செய்தேன்.உச்சநீதிமன்றத்தின் உத்தரவுபடி தமிழகத்திற்கு காவிரியில் இருந்து உரிய தண்ணீர் கிடைக்கும்.தமிழகத்திற்கு யார் தடுத்தாலும் தண்ணீர் கிடைப்பது உறுதி.சமவெளியாக காவிரியின் பாதை  இருப்பதால் அணை கட்ட முடியாது.அப்படியே கட்டினால் நீர் ஊருக்குள் புகுந்து மக்கள் பாதிக்கப்படுவார்கள்.

மேலும் நீரை தேக்க தேவையான நடவடிக்கைகள் மேற்கோள்ளப்படும்.விவசாயிகளுக்கு வழங்க வேண்டிய உரம் உள்ளிட்டவை கையிருப்பில் உள்ளது.தமிழகத்திற்கு அணையில் தேக்கி வைக்க முடியாத அளவிற்கு தண்ணீர் கிடைத்துள்ளது.

சேலம் மட்டுமின்றி 8 வழிச்சாலை திட்டத்தால்  அதனை சுற்றியுள்ள மாவட்ட மக்களும் பயன்பெறுவார்கள். 95% நில அளவைப் பணிகள் 8 வழிச்சாலை திட்டத்திற்காக முடிந்துவிட்டது.

துணை முதல்வர் மற்றும் அமைச்சர்கள் திமுக தலைவர் கருணாநிதியின் உடல்நலம் பற்றி நேரில் நலம் விசாரித்தனர். கருணாநிதி நலமாக இருப்பதாக அவர்கள் தெரிவித்துள்ளனர் என்றும் கூறியுள்ளார்.

மேலும் செய்திகளுக்கு தினச்சுவடுடன் இணைந்திருங்கள்.