தென்னிந்திய ஊடகங்கள் பணி மிகச்சிறப்பு! தமிழக ஆளுநர் பன்வாரிலால் புரோகித்

தமிழக ஆளுநர் பன்வாரிலால் புரோகித் , உண்மையை யாராலும் நிரந்தரமாக மறைக்க முடியாது எனத் தெரிவித்துள்ளார். சென்னை நுங்கம்பாக்கம் தனியார் விடுதியில் தென்னிந்திய ஊடகக் கருத்தரங்கை ஆளுநர் பன்வாரிலால் புரோகித் தொடங்கி வைத்தார். அப்போது பேசிய அவர், இந்திய ஜனநாயகத்தில் ஊடகங்கள் முக்கியப் பங்கு வகிப்பதாகத் தெரிவித்தார்.

மக்களின் குரலாக இருந்து ஊடகங்கள் தங்களது பணிகளை செய்ய வேண்டும் எனக் குறிப்பிட்ட அவர், தென்னிந்திய ஊடகங்கள் மக்களின் எண்ணங்களை எதிரொலித்துச் சிறப்பாகப் பணியாற்றி வருவதாகவும் தெரிவித்தார். தான் நாற்பதாண்டுக்காலம் பத்திரிகைத்துறையில் இருந்ததால் பத்திரிகையாளர்கள் எதிர்கொள்ளும் பிரச்சனைகளைத் தன்னால் உணர்ந்துகொள்ள முடியும் என்று குறிப்பிட்டார். சூரியனை மேகங்கள் மறைத்தாலும் நிரந்தரமாக மூடிவிட முடியாது என்றும், அதுபோல உண்மையையும் யாரும் மறைக்க முடியாது என்றும் ஆளுநர் பன்வாரிவாலால் புரோகித் தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.