தூத்துக்குடியில் திமுக பிரமுகரின் கார் தீ வைப்பு..!!

தூத்துக்குடியில் திமுக பிரமுகர் ஒருவரின் காரை மர்மநபர்கள் தீவைத்துக் கொளுத்தினர். துப்பாக்கிச்சூட்டில் காயம்பட்டோரை சந்தித்து ஆறுதல் கூறுவதற்காக திமுக செயல் தலைவர் மு.க.ஸ்டாலின் நேற்று அங்கு சென்றார்.

இதை அறிந்து விளாத்திகுளத்தைச் சேர்ந்த திமுக ஒன்றிய செயலாளர் சின்னமாரிமுத்து என்பவர் தமது காரில் அரசு மருத்துவமனைக்கு சென்று கொண்டிருந்தார். பழைய பேருந்து நிலையம் அருகே ஜெயராஜ் சாலையில் கார் சென்ற போது, மர்மநபர்கள் சிலர் கார் மீது செங்கற்களை வீசினர்.

இதை அடுத்து காரை நிறுத்தி விட்டு சின்னமாரிமுத்து இறங்கி ஓடியுள்ளார். அப்போது காருக்கு மர்மநபர்கள் தீவைத்தனர். இதனால் கார் முழுவதும் எரிந்து சேதம் அடைந்தது.

மேலும் செய்திகளுக்கு தினச்சுவடுடன் இணைந்திருங்கள்