திமுக -பாஜக இணையும் கூட்டம் …!எங்களுக்கு தகவல் வரவில்லை…!தமிழக பாஜக தலைவர் தமிழிசை சவுந்தரராஜன்  பரபரப்பு கருத்து

நினைவேந்தல் கூட்டத்தில் அமித்ஷா கலந்து கொள்வது குறித்து தமிழக பாஜக தலைவர் தமிழிசை சவுந்தரராஜன்  கருத்து தெரிவித்துள்ளார்.
திமுக தலைவர் கருணாநிதி கடந்த ஆகஸ்ட் 7 ஆம் தேதி காலமானார்.மறைந்த திமுக தலைவர் கருணாநிதியின் புகழ் வணக்கக் கூட்டம் ஆகஸ்ட் 17, 19, 25, 26, 30 ஆகிய தேதிகளில் நடைபெறும் என்று திமுக தலைமை அறிவித்தது.
திமுக தலைமை இது தொடர்பாக வெளியிட்ட அறிக்கையில்,திருச்சியில் ஆகஸ்ட் 17இல் கருத்துரிமைக் காத்தவர் கலைஞர் என்ற தலைப்பில் கூட்டம் நடைபெறுகிறது. ஆகஸ்ட் 19ஆம் தேதி மதுரையிலும், ஆகஸ்ட் 25ஆம் தேதி கோவையிலும்,ஆகஸ்ட் 26ஆம் தேதி திருநெல்வேலியிலும்,ஆகஸ்ட் 30ஆம் தேதி சென்னையிலும் கூட்டம் நடைபெறுகிறது என்று அறிவிப்பு வெளியிட்டது.
ஆகஸ்டு 30 சென்னையில் நடைபெறும் கலைஞர் நினைவேந்தல் கூட்டத்தில் பா.ஜ.க. தேசிய தலைவர் அமித்ஷா பங்கேற்கிறார்.திமுக நினைவேந்தல் நிகழ்ச்சியில் தேசிய கட்சிகளின் தலைவர்கள் பங்கேற்க உள்ளது குறிப்பிடத்தக்கது.

ஆனால் பாஜக தலைவர் அமித் ஷாவின் இந்த வருகையில் திமுகவில் சலசலப்பு ஏற்படுள்ளது.அதேபோல் அதன் கூட்டணி கட்சியுமான காங்கிரசும் கலக்கத்தில் உள்ளது.
இந்நிலையில் நினைவேந்தல் கூட்டத்தில் அமித்ஷா கலந்து கொள்வது குறித்து தமிழக பாஜக தலைவர் தமிழிசை சவுந்தரராஜன்  கருத்து தெரிவித்துள்ளார்.
அவர் கூறுகையில்,திமுக தலைவர் கருணாநிதியின் நினைவேந்தல் கூட்டத்தில் அமித்ஷா பங்கேற்பது குறித்து எங்களுக்கு தகவல் வரவில்லை .பாஜக தலைமையிடமிருந்து தகவல் வந்தவுடன் தெரிவிக்கப்படும் என்றும் கூறியுள்ளார்.
DINASUVADU