திமுக திருவாரூர் தொகுதியில் வெற்றி பெரும் …!டி.டி.வி. தினகரனின் 1,00,00,000 வெறும் நாடகம் …!திவாகரன் அதிரடி கருத்து

திருவாரூர்  திமுக தலைவர் கருணாநிதி  தொகுதி என்பதால் வேறு எந்த கட்சியும் ஜெயிக்க முடியாது திமுக தான் வெற்றி பெறும் என்று  திவாகரன் தெரிவித்துள்ளார்.

கடந்த ஆகஸ்ட் 8 ஆம் தேதி மெரினாவில் அரசு மரியாதையுடன் திமுக தலைவர் கருணாநிதியின் உடல் நல்லடக்கம் செய்யப்பட்டது.
இதனால் திருவாரூர் தொகுதி திமுக தலைவர் கருணாநிதி மறைவை அடுத்து காலியாக இருப்பதாக தேர்தல் ஆணையத்திடம் தகவல் தெரிவிக்கப்பட்டது.மேலும் திருப்பரங்குன்றம் தொகுதி காலியாக இருப்பதாக தேர்தல் ஆணையத்திடம் தகவல் தெரிவிக்கப்பட்டது.

இதன் பின்னர் அமமுக துணை பொதுச் செயலாளர் டிடிவி தினகரன் திருப்பரங்குன்றம், திருவாரூர் இடைத்தேர்தல்களில் அமமுக போட்டியிடும் என்று கூறினார். மேலும் உறுப்பினர் சேர்க்கை, பூத் கமிட்டி அமைப்பது குறித்து ஆலோசனை கூட்டத்தில் விவாதிக்கப்பட்டது.
மக்கள் எங்கள் மீது நம்பிக்கை வைத்துள்ளனர், அதை வைத்து வெற்றி பெறுவோம் .சரியான நேரத்தில் யாருடன் கூட்டணி என்பதை முடிவு செய்து அறிவிப்போம்.அம்மா மக்கள் முன்னேற்ற கழகத்தில் 1 கோடி உறுப்பினர்கள் உள்ளனர்  என்றும் தெரிவித்தார்.

இந்நிலையில் தினகரன்  குறித்து அண்ணா திராவிடர் கழக பொதுச்செயலாளர் திவாகரன் கருத்து ஒன்றை கூறியுள்ளார்.அவர் கூறுகையில்,தினகரன்  குறைந்த தொண்டர்களை வைத்து கொண்டு அதிக தொண்டர்கள் இருப்பது போல்நாடகம் நடத்துகிறார்.மேலும் அவர் பெரிய கட்சிகளுடன் கூட்டணி வைக்கவே இதுபோன்று நாடகம் நடத்துகிறார்.அதேபோல் திருவாரூர் தொகுதி திமுக தலைவர் கருணாநிதி  தொகுதி என்பதால் வேறு எந்த கட்சியும் ஜெயிக்க முடியாது திமுக தான் வெற்றி பெறும் என்றும்  திவாகரன் கூறியுள்ளார்.
DINASUVADU