தமிழக மீனவர்களை நடுக்கடலில் விரட்டியடித்த இலங்கை கடற்படை!

by VenuPosted on June 19, 2018

இலங்கை கடற்படையினர் நாகை மாவட்டம் ஆறுகாட்டுத்துறை மீனவர்களை நடுக்கடலில் விரட்டியடித்துள்ளனர்.

ஆறுகாட்டுத்துறையை சேர்ந்த 8 மீனவர்கள் இரண்டு பைபர் படகுகளில் நேற்று மதியம் மீன்பிடிக்கச் சென்றனர். கோடியக்கரையின் தென்கிழக்கே இன்று அதிகாலை மீன்பிடித்துக் கொண்டிருந்த அவர்களை, இலங்கை கடற்படையினர் சுற்றி வளைத்துள்ளனர். எல்லை தாண்டி மீன்பிடித்ததாக கூறி, இலங்கை கடற்படையினர் கேபிள் வயரால் மீனவர்களை தாக்கி விரட்டியடித்ததாக கூறப்படுகிறது. கரை திரும்பிய மீனவர்கள் இலங்கை கடற்படையினர் தாக்கியது குறித்து கடலோர காவல்படையினரிடம் புகார் அளித்துள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.