தமிழக உள் மாவட்டத்தில் வெப்பச்சலனத்தால் மழை பெய்ய வாய்ப்பு!சென்னை வானிலை ஆய்வு மையம்

சென்னை வானிலை ஆய்வு மையம் ,வெப்பச்சலனம் காரணமாக உள் தமிழக மாவட்டங்களில் ஓரிரு இடங்களில் மழையோ அல்லது இடியுடன் கூடிய மழையோ பெய்ய வாய்ப்பு உள்ளதாக தெரிவித்துள்ளது. குமரிக்கடல் மற்றும் அதனை ஒட்டியுள்ள மாலத்தீவு கடல் பகுதியில் காற்றழுத்த தாழ்வு நிலையும் அதற்கு மேல் பகுதியில் மேல் அடுக்கு சுழற்சியும் நிலவுவதாக அந்த மையம் குறிப்பிட்டுள்ளது.

அதன் காரணமாக தமிழகம் மற்றும் புதுச்சேரி கடலோர பகுதிகளில் தெற்கு மற்றும் தென் மேற்கு திசையில் இருந்து மணிக்கு 35 முதல் 45 கிலோ மீட்டர் வரை காற்று வீசும் என்றும் இதன் காரணமாக மீனவர்கள் எச்சரிக்கையுடன் கடலுக்கு செல்ல வேண்டும் என்றும் சென்னை வானிலை ஆய்வு மையம் அறிவுறுத்தியுள்ளது.

மேலும் செய்திகளுக்கு தினச்சுவடுடன் இணைந்திருங்கள்.