தமிழகம் உட்பட 3 மாநிலங்களுக்கு கனமழை எச்சரிக்கை…!காவிரியில் மீண்டும் வெள்ளம் ஏற்பட வாய்ப்பு …!எச்சரிக்கை மணி அடித்த மத்திய நீர்வளத்துறை அமைச்சகம்

தமிழகம், புதுச்சேரி, கர்நாடகாவில் 2 நாட்களுக்கு கனமழை பெய்ய வாய்ப்பு உள்ளது என்று  மத்திய நீர்வளத்துறை அமைச்சகம் அறிவிப்பு வெளியிட்டுள்ளது.

கனமழை மற்றும் வெள்ளபெருக்கு காரணமாக கேரளாவில் மக்களின் இயல்புநிலை பாதிக்கப்பட்டது.பல்வேறு மக்கள் வீடுகளையும் இழந்து உள்ளனர்.வெள்ளம் மற்றும் நிலச்சரிவால் பலர் பலியாகியுள்ளனர்.பலர் மாயமாகினர்.

மேலும் கனமழை மற்றும் வெள்ளப்பெருக்கால் பாதிக்கப்பட்ட 10 லட்சத்துக்கும் மேற்பட்டோர் 3 ஆயிரத்து 274 தற்காலிக முகாம்களில் தங்கவைக்கப்பட்டனர்.பின்னர் படிப்படியாக மக்கள் தங்கள் வீடுகளுக்கு சென்றனர்.

மேலும் வெள்ளத்தால் பாதிக்கப்பட்ட மக்களுக்கு பல்வேறு தன்னார்வ நிறுவனங்களும், அரசியல் தலைவர்களும்,சினிமா பிரபலங்களும் உதவி வருகின்றனர்.தற்போது கேரளாவில் மழை நின்று விட்டது.நிலைமை சீரணடைந்து வருகின்றது.

இந்நிலையில் மத்திய நீர்வளத்துறை அமைச்சகம் அறிவிப்பு ஒன்றை வெளியிட்டுள்ளது.அந்த அறிவிப்பில் தமிழகம், புதுச்சேரி, கர்நாடகாவில் 2 நாட்களுக்கு கனமழை பெய்ய வாய்ப்பு உள்ளது.மேலும்  காவிரி ஆற்றில் நீர்வரத்து மேலும் அதிகரிக்க வாய்ப்பு உள்ளது என்றும்  மத்திய நீர்வளத்துறை அமைச்சகம் அறிவிப்பு வெளியிட்டுள்ளது.