தமிழகத்தில் பரவும் வைரஸ் காய்ச்சல்..!

ஈரோடு மாவட்டம் சத்தியமங்கலம் அருகே வைரஸ் காய்ச்சலால் கிராம மக்கள் 50க்கும் மேற்பட்டோர் பாதிக்கப்பட்டுள்ளனர்.

கெஞ்சனூர் கிராமத்தில் 200க்கும் மேற்பட்ட குடும்பத்தினர் வசித்து வருகின்றனர். இங்கு கடந்த ஒரு வார காலமாக வைரஸ் காய்ச்சல் பரவி வருவதாகக் கூறப்படுகிறது. காய்ச்சலால் பாதிக்கப்பட்ட 50க்கும் மேற்பட்டோர் தனியார் மருத்துவமனைகளில் சிகிச்சை எடுத்து வருகின்றனர்.

இருப்பினும் காய்ச்சலின் தீவிரம் குறையவில்லை என்று கூறும் கிராம மக்கள், மாவட்ட நிர்வாகத்திடம் இதுகுறித்து முறையிட்டும் இதுவரை நடவடிக்கை எடுக்கவில்லை என்கின்றனர்.

எனவே சுகாதாரத்துறையினர் உடனடியாக சிறப்பு முகாம் அமைத்து காய்ச்சலை கட்டுப்படுத்த நடவடிக்கை எடுக்க வேண்டும் என அவர்கள் கோரிக்கை விடுத்துள்ளனர்.