தமிழகத்தில் இடியுடன் கூடிய கன மழைக்கு வாய்ப்பு!வானிலை ஆய்வு மையம் தகவல்

சென்னை வானிலை ஆய்வு மையம்,தென் தமிழகத்தில் இடியுடன் கன மழைக்கு வாய்ப்பு இருப்பதாக  தெரிவித்துள்ளது.

தெற்கு உள் கர்நாடகாவில் இருந்து உள் தமிழகம் வழியாக தென் தமிழகம் வரை காற்றில் வேக மாறுபாடு நிலவுவதாக கூறப்பட்டுள்ளது. மேலும் கன்னியாகுமரி மற்றும் அதனை ஒட்டியுள்ள மாலத்தீவு பகுதியில் வளி மண்டல மேலடுக்கு சுழற்சி நிலவுவதாகவும் தெரிவிக்கப்பட்டுள்ளது.

இதனால் தென் தமிழகம், புதுவையில் ஒரு சில இடங்களில் இடியுடன் கூடிய மழைக்கு வாய்ப்பு இருப்பதாகத் கூறப்பட்டுள்ளது. சென்னையில் வானம் மேகமூட்டத்துடன் காணப்படும் என்றும், சில பகுதிகளில் லேசான மழைக்கு வாய்ப்பு உள்ளதாகவும் தெரிவிக்கப்பட்டுள்ளது. கடந்த 24 மணி நேரத்தில் கரூர் மாவட்டம் மாயனூர், திருச்சி மாவட்டம் துறையூரில் 7 சென்டிமீட்டரும், தேனி மாவட்டம் பெரியகுளத்தில் 4 சென்டிமீட்டரும் மழை பதிவாகியுள்ளது.

மேலும் செய்திகளுக்கு தினச்சுவடுடன் இணைந்திருங்கள்.