சேலத்திலும் தூத்துக்குடியை போல கலவரத்தை ஏற்படுத்த சதி என புகார்!

தூத்துக்குடியை போல சென்னையில் இருந்து சேலத்திற்கு அமைக்கப்படவுள்ள 8 வழி பசுமைசாலை திட்டத்தை தடுத்து நிறுத்தும் வகையில் சேலத்திலும் கலவரத்தை ஏற்படுத்த சதிதிட்டம் தீட்டி இருப்பதாக சீமான், வைகோ உள்ளிட்டோருக்கு எதிராக டிஜிபி அலுவலகத்தில் பரபரப்பு புகார் அளிக்கப்பட்டுள்ளது

சென்னையில் இருந்து சேலத்திற்கு 8 வழி பசுமை சாலைதிட்டம் அமைக்க அரசு முனைப்பு காட்டி வரும் நிலையில் இத்திட்டத்திற்கு எதிராக சீமான், வைகோ, திருமாவளவன் உள்ளிட்டோரும் மக்கள் அதிகாரம், புரட்சிகர இளைஞர் அமைப்பு போன்ற அமைப்புகளும் குரல் கொடுத்து வருவதாகவும், தூத்துக்குடியை போல சேலத்தில் கலவரத்தை ஏற்படுத்தும் சதித்திட்டத்துடன் இந்த அமைப்புகளும், அதன் தலைவர்களும் செயல்படுவதாகவும், தேசிய மக்கள் இயக்கம் என்ற அமைப்பின் வழக்கறிஞர் மணிகண்டன் என்பவர் தமிழக டி.ஜி.பியிடம் புகார் அளித்துள்ளார்.

சேலத்தில் உள்ள பியூஸ் மனூஷ் என்பவர் இத்திட்டத்திற்கு எதிராக போராட மாதம் 10 ஆயிரம் ரூபாய் சம்பளத்துக்கு ஆள் திரட்டுவதாகவும் குற்றஞ்சாட்டினார்

மேலும் செய்திகளுக்கு தினச்சுவடுடன் இணைந்திருங்கள்.