சென்னை உயர்நீதிமன்றம் காக்னிசன்ட் நிறுவனத்திற்கு அதிரடி உத்தரவு…!

உயர்நீதிமன்றம்  பிரபல மென்பொருள் நிறுவனமான காக்னிசன்ட், 2 ஆயிரத்து 800 கோடிக்கு ரூபாய்க்கு மேல் வரி ஏய்ப்பு செய்த வழக்கில் முதல் தவணையாக, 15 விழுக்காடு தொகையான 420 கோடி ரூபாயை வருமான வரித்துறைக்கு செலுத்த வேண்டும் என உத்தரவிட்டுள்ளது.

கடந்த 2016-17 நிதியாண்டில் வருமானத்தை குறைத்து காட்டிய புகாரில் அந்நிறுவனத்தின் 68 வங்கி கணக்குகள் முடக்கப்பட்டன. இதனை எதிர்த்து காக்னிசன்ட் தொடர்ந்த வழக்கை விசாரித்த நீதிபதி சிவஞானம், சிடிஎஸ் நிறுவனத்தின் முடக்கப்பட்ட ஒரு வங்கி கணக்கை மீண்டும் செயல்படுத்த அனுமதிக்க வேண்டும் என உத்தரவிட்டார்.

இதனையொட்டி, முதல் தவணையாக, 420 கோடி ரூபாயை வருமான வரித்துறைக்கு காக்னிசன்ட் நிறுவனம் செலுத்த வேண்டும் என உத்தரவிட்ட நீதிபதி, மீதி தொகைக்கு நிறுவனத்தின் மற்ற முதலீடுகளை உத்தரவாதங்களாக 2 வாரங்களுக்குள் அளிக்க வேண்டும் என ஆணையிட்டார்.

மேலும் செய்திகளுக்கு தினச்சுவடுடன் இணைந்திருங்கள்.