சென்னையில் தொடங்கியது 16 வது சர்வதேச திரைப்பட திருவிழா….!!

16 வது சர்வதேச திரைப்பட திருவிழா தொடக்க நிகழ்ச்சி சென்னை கலைவாணர் அரங்கத்தில் நடைபெற்றது.
இந்த ஆண்டு, 13 முதல் 20 ஆம் தேதி வரை, சென்னையில் இந்த திரைப்பட விழா நடைபெறுகிறது. விழாவில் தமிழ் உள்ளிட்ட சர்வதேச மொழிகளின் திரைப்படங்கள் திரையிடப்பட உள்ளது. இந்த விழாவில், தமிழ் மொழியில், பரியேறும் பெருமாள், ராட்சசன், வடசென்னை, 96 உள்ளிட்ட 12 திரைப்படங்கள் திரையிடப்பட உள்ளது. சிறப்பு திரைப்படமாக மேற்கு தொடர்ச்சி மலை திரைப்படம் திரையிடப்படுகிறது. தமிழ், ஆங்கிலம், ஆஸ்திரேலியன், பிரேசில் உள்ளிட்ட 50 மொழிகளில், மொத்தம் 150 திரைப்படங்கள் திரையிடப்பட உள்ளன. தமிழில் மிகவும் பேசப்பட்ட, பிரேம் குமார் இயக்கத்தில் வெளியான 96 திரைப்படம், மாரிசெல்வராஜ் இயக்கத்தில் வெளியான பரியேறும் பெறுமாள், இரானிய மொழியில் பிரபல இயக்குநர் ஜாபர் பனாஹி இயக்கத்தில் வெளியான 3 பேசஸ், இத்தாலி மொழியில் வெளியாகி பெயர்பெற்ற டாக்மேன் உள்ளிட்ட பிரபல திரைப்படங்கள் இந்த திரைப்படத் திருவிழாவில்
திரையிடப்பட உள்ளன. சென்னையில் உள்ள தேவி, ரஷ்ய கலாச்சார மையம் உள்ளிட்ட திரையங்கங்களில் 4 காட்சிகளாக திரையிடப்படுகிறது.