சென்னையில் இருசக்கர வாகனத்தில் சென்று பெண்களிடம் நகை பறித்த 2 மர்ம நபர்கள்!

பல்வேறு இடங்களில் சென்னையில் இருசக்கர வாகனத்தில் சென்று சாலையில் நடந்து சென்ற பெண்களிடம் நகைகளைப் பறித்துச் சென்ற இரண்டு மர்ம நபர்களின் சி.சி.டி.வி. காட்சிகளை போலீசார் வெளியிட்டுள்ளனர்.

கடந்த சில நாட்களுக்கு முன் ஒரேநாளில் சென்னை தியாகராய நகரை சேர்ந்த ஸ்ரீமதி என்பவரிடம் 11 புள்ளி 5 சவரன், அசோக் நகரைச் சேர்ந்த வசந்தாவிடம் 15 சவரன், விருகம்பாக்கத்தைச் சேர்ந்த ஃபாத்திமாபீவி, வளசரவாக்கத்தச் சேர்ந்த சாந்தாகுமாரி ஆகியோரிடம் தலா 10 சவரன் தங்கச் சங்கிலிகளை இரு சக்கர வாகனத்தில் வந்த மர்ம நபர்கள் பறித்துச் சென்றனர்.

இந்நிலையில் மர்ம நபர்கள் இருவரும் இருசக்கரவாகனத்தில் செல்லும் சி.சி.டி.வி. காட்சிகளை வெளியிட்டுள்ள போலீசார், அவர்கள் குறித்து தகவல் தெரிந்தால் தெரிவிக்குமாறு பொதுமக்களை கேட்டுக்கொண்டுள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.