கோவையில் ​பேருந்து விபத்துக்குள்ளானதில் 35க்கும் மேற்பட்டோர் படுகாயம்!

தனியார் பேருந்துகள் இடையேயான போட்டியில்  கோவை அருகே முந்தி செல்ல முயன்ற போது, ஒரு பேருந்து சாலையோர பள்ளத்தில் கவிழ்ந்து விபத்துக்குள்ளானது.

கோவையில் இருந்து பொள்ளாச்சிக்கு 65க்கும் மேற்பட்ட பயணிகளுடன் தனியார் பேருந்து சென்று கொண்டிருந்தது. கோவில்பாளையம் அருகே முன்னால் சென்றுகொண்டிருந்த மற்றோரு தனியார் பேருந்தை, அசுர வேகத்தில் முந்தி செல்லும் போது கட்டுபாட்டை இழந்து சாலையோர பள்ளத்தில் கவிழ்ந்து உருண்டது.

இதில் 35க்கும் மேற்பட்ட பயணிகள் படுகாயமுற்றனர். இச்சம்பவம் குறித்து வழக்கு பதிவு செய்த வடக்கிபாளையம் போலீசார் தப்பியோடிய ஓட்டுநர் கார்த்தி நடத்துனர் சாகுல் அமீதை தேடி வருகின்றனர்.

மேலும்  செய்திகளுக்கு தினச்சுவடுடன் இணைந்திருங்கள்.