கோவையில் குடிபோதையில் தாறுமாறாக பேருந்தை ஓட்டி விபத்தை ஏற்படுத்திய ஓட்டுனர் கைது!

குடிபோதையில்  கோவை மாவட்டம் பொள்ளாச்சியில் தாறுமாறாக பேருந்தை ஓட்டி விபத்தை ஏற்படுத்திய ஓட்டுனரை போலீசார் கைது செய்துள்ளனர்.

காங்கயம் பேருந்து நிலையத்தில் இருந்து 70க்கும் மேற்பட்ட பயணிகளுடன் a.b.t என்ற தனியார் பேருந்து பொள்ளாச்சி நோக்கிச் சென்றது. பேருந்தை விஜய் என்பவர் ஓட்டி வந்தார். பேருந்து புறப்பட்டது முதலே தாறுமாறாக ஓட்டிய ஓட்டுனர் விஜயை பயணிகள் எச்சிரித்துள்ளனர். ஆனாலும் பேருந்தை விஜய் அஜாக்கிரதையாக இயக்கியுள்ளார்.

பொள்ளாச்சி பல்லடம் சாலையில் ராஜேஸ்வரி திடல் அருகே வந்தபோது தாறுமாறாக ஓடிய பேருந்து, சாலையோரம் நடந்து சென்ற தனபாக்கியம் என்பவர் மீது மோதியது. இதனால் ஆத்திரமடைந்த பயணிகள், ஓட்டுனர் விஜயை பிடித்து தர்ம அடி கொடுத்தனர். தகவலறிந்து வந்த போலீசார், ஓட்டுநர் விஜயை கைது செய்து விசாரித்து வருகின்றனர். விபத்தில் காயம் அடைந்த தனபாக்கியம் பொள்ளாச்சி அரசு மருத்துவமனையில் சிகிச்சை பெற்று வருகிறார்.

மேலும் செய்திகளுக்கு தினச்சுவடுடன் இணைந்திருங்கள்.