காப்பியடிப்பதை தடுக்கும் காவலே..! இப்படி டெக்னிக்கல..! காப்பி அடித்துள்ளதே..??காவலின் வேலையை பறித்தது யுபிஎஸ்சி..!!

ஐஏஎஸ் தேர்வில் காப்பியடித்த தமிழக ஐபிஎஸ் அதிகாரி சபீர் கரீம் பதவியில் இருந்து நீக்கப்பட்டுள்ளார்.தேர்வில் காப்பியடித்ததற்காக ஐபிஎஸ் அதிகாரி ஒருவர் பணி நீக்கம் செய்யப்படுவது இதுவே முதல்முறையாகும்.
கேரள மாநிலம் கொச்சியை சேர்ந்தவர் சபீர் கரீம் இவர் 2015 -ம் ஆண்டு ஐபிஎஸ் தேர்வு எழுதி தேர்வில் வெற்றி பெற்று அவருக்கு ஐபிஎஸ் பயிற்சி அளிக்கப்பட்டு நாங்குநேரியில் கூடுதல் கண்காணிப்பாளராக கடந்த 2017 – ம் ஆண்டு பதவியேற்றார்.
மீண்டும் ஐஏஎஸ் ஆக வேண்டும் என்று விரும்பிய அவர் அதற்காக இரண்டாம் கட்ட தேர்வை சென்னை எழும்பூரில் உள்ள பிரசிடென்ஸி பள்ளியில் எழுதியுள்ளார். அப்போது அவர் தேர்வில் முறைகேடு செய்ததை தேர்வுக் கட்டுப்பாட்டு அதிகாரிகள் அவரை கையும் களவுமாக கண்டுபிடித்தனர்.
சபீர் கரீம் மீது வழக்குப்பதிவு செய்யப்பட்டதால் முதலில் அவர் பணியிலிருந்து சஸ்பெண்ட் செய்யப்பட்டார். இந்த விவகாரத்தில் அவருக்கு உதவிய அவரது மனைவி, சபீர் கரீமின் நண்பர் ஆகிய 3 பேரை போலீசார் கைது செய்தனர்.இந்த வழக்கை கடந்த 10 மாதங்களாக சிபிசிஐடி போலீசார் விசாரித்து வந்தனர்.மத்திய உள்துறை அமைச்சகம் , யுபிஎஸ்சி தேர்வாணைய குழுவினர் ஆகியோரின் நேரடி விசாரணைக்குப் பின் சபீர்கரீம் ஐபிஎஸ் பதவியிலிருந்து நீக்கம் செய்யப்பட்டுள்ளார் என்பது குறிப்பிடத்தக்கது.
DINASUVADU