கழுத்தில் அணிந்திருந்த 3 சவரன் தங்க சங்கிலி பறிப்பு..!கேவையில் பெண்ணிடம் துணிகரம்..!

கோவையை அடுத்த இருகூர் பகுதியைச் சேர்ந்த சத்தியவள்ளி, நேற்று அப்பகுதியில் உள்ள கடைக்குச் சென்றுவிட்டு வீடு திரும்பினார். சாலையில் தனியாக வந்துகொண்டிருந்த சத்தியவள்ளியை திடீரென வழிமறித்த மர்மநபர்கள் அவர் கழுத்தில் அணிந்திருந்த 3 சவரன் தங்க சங்கிலியை பறிக்க முயன்றனர். இதனால் சுதாரித்த சத்தியவள்ளி கொள்ளையனுடன் போராடினார்.
ஆனால் அவரை தாக்கி சங்கிலியை பறித்த கொள்ளையன், தனது கூட்டாளியுடன் தப்பினான். இந்த காட்சிகள் அப்பகுதியில் இருந்த சிசிடிவி கேமராவில் பதிவாகியுள்ளன. செயின்பறிப்பு குறித்து வழக்குப் பதிவு செய்த போலீசார், சிசிடிவி காட்சிகளின் அடிப்படையில் கொள்ளையர்களை தேடி வருகின்றனர்.