கட்சத்தீவை மீட்டே தீருவோம் அமைச்சர் ஜெயக்குமார் பேட்டி..!

கச்சதீவை மீட்பதற்கு தமிழக அரசு நடவடிக்கை எடுத்து வருவதாகவும், கண்டிப்பாக கச்சத்தீவை மீட்போம் எனவும் அமைச்சர் ஜெயக்குமார் தெரிவித்துள்ளார்.

டெல்லியில் நீர்வளத்துறை சார்ந்த ஆலோசனைக் கூட்டத்தில் பங்கேற்ற பின், சென்னை திரும்பிய மீன்வளத்துறை அமைச்சர் ஜெயக்குமார் செய்தியாளர்களைச் சந்தித்தார். மீனவர்கள் கடலுக்குள் பாதுகாப்பாக செல்வதற்காக உயர்ரக ரேடார் கருவிகள் அளிக்கப்படும் எனவும், மீனவர்களுக்கான நிவாரணங்கள் சில நாட்களுக்குள் வழங்கப்படும் எனவும் தெரிவித்தார். இலங்கை கடற்படையால் இந்திய மீனவர்கள் தாக்கப்படுவது குறித்தும் டெல்லியில் நடந்த ஆலோசனை கூட்டத்தில் பேசப்பட்டதாக அவர் குறிப்பிட்டுள்ளார்