போக்குவரத்து துறைக்கு கூடுதல் நிதி ஒதுக்க முதல்வரிடம் கோரிக்கை : விஜயபாஸ்கர்..!

by Dinasuvadu deskPosted on June 22, 2018

தமிழகத்தில் ஆண்டுக்கு சுமார் 17 ஆயிரம் பேர் சாலை விபத்துகளால் உயிரிழப்பதாகவும், இதற்கு தலைக் கவசம் அணியாததும், சீட் பெல்ட் அணியாததுமே காரணம் என்று கூறிய போக்குவரத்துத் துறை அமைச்சர் எம்.ஆர்.விஜயபாஸ்கர், சாலைவிதிகள் குறித்த விழிப்புணர்வு வை பாடத்திட்டத்தில் கொண்டுவர முயற்சி மேற்கொள்ளப்படும் என்றும் கூறினார்.

சென்னை கலைவாணர் அரங்கில் நடைபெற்ற 29 வது சாலை பாதுகாப்பு வார விழாவை துவக்கிவைத்த அமைச்சர் விஜயபாஸ்கர், ஊதிய உயர்வு மற்றும் டீசல் விலை உயர்வின் காரணமாக பொருளாதார நிதிச்சுமையில் இருக்கும் போக்குவரத்து துறைக்கு கூடுதல் நிதி ஒதுக்க முதல்வர் மற்றும் துணை முதல்வரிடம் கோரிக்கை வைக்கப்பட்டுள்ளதாகவும் கூறினார்.