தம்மை அச்சுறுத்துவதற்காகவே தாக்குதல் நடத்தப்பட்டிருக்கலாம் என தமிழ் தேசிய பேரியக்க தலைவரும், காவிரி உரிமை மீட்புக் குழு ஒருங்கிணைப்பாளருமான பெ.மணியரசன் கூறினார்.
தஞ்சாவூர் தனியார் மருத்துவமனையில் சிகிச்சை பெற்றுவரும் அவர் நேற்று விடுத்துள்ள அறிக்கை: தஞ்சாவூரில் கடந்த 10-ம் தேதி இரவு நான் தாக்கப்பட்ட செய்தி குறித்து, சட்டப்பேரவையில் பதில் அளித்த முதல்வர், மோட்டார் சைக்கிளில் வந்த இரு நபர்கள், நான் சென்ற மோட்டார் சைக்கிள் மீது மோதியதில், நான் கீழே விழுந்தேன் என்றும், என் கையில் இருந்த கைப்பையை அந்த நபர்கள் பிடுங்கிச் சென்றதாகவும், இதே நபர்கள் சென்று அந்தப் பகுதியில் வேறொருவரிடம் வழிப்பறி செய்துள்ளதாகவும் கூறினார்.
