என்னவாகும் இரட்டை இலையின் கதி ?

டெல்லி உயர்நீதிமன்றம்,இரட்டை இலை சின்னம் தொடர்பான மேல்முறையீட்டு வழக்கின் விசாரணையை வரும் 24ஆம் தேதிக்கு ஒத்திவைத்து உத்தரவிட்டுள்ளது.

இரட்டை இலை சின்னம் மற்றும் அ.தி.மு.க. கட்சியை எடப்பாடி பழனிச்சாமி, ஓ.பன்னீர்செல்வம் அணிக்கு தேர்தல் ஆணையம் ஒதுக்கியது. இதனை எதிர்த்து டிடிவி தினகரன் டெல்லி உயர்நீதிமன்றத்தில் மேல்முறையீடு செய்துள்ளார்.

இவ்வழக்கை ஏப்ரல் மாதத்திற்குள் முடிக்க வேண்டும் என உச்ச நீதிமன்றம் உத்தரவிட்டுள்ளது. இந்த வழக்கு வியாழக்கிழமை மீண்டும் விசாரணைக்கு வந்தது. ஓ.பி.எஸ். – இ.பி.எஸ். அணிக்கு இரட்டை இலை சின்னத்தை ஒதுக்கியதை ரத்து செய்யக்கோரி டிடிவி தரப்பில் வாதம் முன்வைக்கப்பட்டது..

இதனையடுத்து வழக்கின் விசாரணையை வரும் 24ஆம் தேதிக்கு டெல்லி உயர்நீதிமன்றம் ஒத்திவைத்து உத்தரவிட்டது. அன்றைய தினம் சசிகலா தரப்பு வழக்கறிஞர் வாதத்தை தொடங்க உள்ளார்.

மேலும் செய்திகளுக்கு தினச்சுவடுடன் இணைந்திருங்கள்.