இலங்கை குண்டுவெடிப்பு சம்பவம்! நாம் தமிழர் கட்சி தலைமையில் கண்டன ஆர்ப்பாட்டம்!

இலங்கையின் தலைநகரான கொழும்பில் மக்கள் அனைவரும் ஈஸ்டர் பண்டிகையை கொண்டாடிக் கொண்டிருந்த நிலையில், தேவாலயங்கள் மற்றும் நட்சத்திர உணவு விடுதிகளில் குண்டுகள் வெடித்தது. இதில் 300-க்கும் மேற்பட்ட மக்கள் உயிரிழந்துள்ளனர்.

இந்நிலையில், பலரும் இந்த சம்பவத்திற்கு கண்டனம் தெரிவித்து வருகின்றனர். வரும் 26-ம் தேதி சீமான் தலைமையில் இலங்கை குண்டுவெடிப்பு சம்பவத்தை கண்டித்து, கண்டன ஆர்ப்பாட்டம் நடத்தப்படுகிறது. சென்னை வள்ளுவர்கோட்டத்தில் சீமான் தலைமையில் நாம் தமிழர் கட்சியினர் கண்டன ஆர்ப்பாட்டம் நடத்த உள்ளதாக தெரிவித்துள்ளனர்.