இன்று சட்டப்பேரவை கூட்டத் தொடரில் பங்கேற்பது குறித்து முடிவு!தி.மு.க. செயல் தலைவர் மு.க.ஸ்டாலின்

தி.மு.க. செயல் தலைவர் மு.க.ஸ்டாலின்,சட்டப்பேரவை கூட்டத் தொடரில் பங்கேற்பது குறித்து இன்று முடிவெடுக்கப்படும் என்று  கூறியுள்ளார்.

தி.மு.க. தலைவர் கருணாநிதி பிறந்தநாள் விழா பொதுக்கூட்டம் திருவாரூரில் நேற்று நடைபெற்றது. இக்கூட்டத்தில், தி.மு.க. பொதுச்செயலாளர் அன்பழகன், தமிழக காங்கிரஸ் கமிட்டித் தலைவர் திருநாவுக்கரசர், இந்திய கம்யூனிஸ்ட் மாநிலச் செயலாளர் முத்தரசன், மார்க்சிஸ்ட் மாநிலச் செயலாளர் பாலகிருஷ்ணன், விடுதலைச் சிறுத்தைகள் கட்சித் தலைவர் திருமாவளவன் மற்றும் பலர் கலந்து கொண்டனர்.

கூட்டத்தில் பேசிய மு.க.ஸ்டாலின், வருகிற 12-ஆம் தேதி மேட்டூர் அணையை திறக்காவிட்டால் , அனைத்து கட்சியினரோடு ஆலோசித்து போராட்டம் நடத்த உள்ளதாகத் தெரிவித்தார். கருணாநிதி முதலமைச்சராக இருந்திருந்தால் கர்நாடக அரசிடம் பேசி காவிரியில் தண்ணீரை பெற்றிருப்பார் என்று அவர் கூறினார்.

சென்னையில் சனிக்கிழமை அன்று நடைபெறும் திமுக எம்.எல்.ஏக்கள் கூட்டத்தில் ஆலோசித்து மீண்டும் சட்டமன்றம் செல்வது குறித்து முடிவு எடுக்கப்படும் என்று ஸ்டாலின் தெரிவித்தார்.