இன்றுடன் பொறியியல் படிப்புகளுக்கு விண்ணப்பித்தவர்களுக்கான சான்றிதழ் சரிபார்ப்புப் பணிகள் முடிவு!

சான்றிதழ் சரிபார்ப்புப் பணிகள்  பொறியியல் படிப்புகளுக்கு விண்ணப்பித்தவர்களுக்கான இன்றுடன் முடிவடைகின்றன.

பொறியியல் படிப்புகளுக்கான விண்ணப்பங்கள் மே 3-ஆம் தேதி முதல் ஜூன் 2-ஆம் தேதி வரை வழங்கப்பட்டன. 1 லட்சத்து 59 ஆயிரத்து 631 பேர் பொறியியல் படிப்புகளுக்கு விண்ணப்பித்த நிலையில் கடந்த 5-ஆம் தேதி ரேண்டம் எண் வெளியிடப்பட்டது. கடந்த 8-ஆம் தேதி தொடங்கிய சான்றிதழ் சரிபார்ப்புப் பணி அண்ணா பல்கலைக்கழம் உட்பட தமிழகம் முழுவதும் 42 இடங்களில் நடைபெற்று வந்தது.

சான்றிதழ் சரிபார்ப்புக்கு இன்று கடைசி நாள் என்று அறிவிக்கப்பட்டுள்ளது. இன்று சான்றிதழ் சரிபார்ப்புக்கு வரத் தவறியவர்கள் வரும் 17-ஆம் தேதி பிற்பகலில் அண்ணா பல்கலைக்கழகத்தில் மட்டும் நடைபெறும் சான்றிதழ் சரிபார்ப்பு சிறப்பு முகாமில் கலந்துகொள்ளலாம் என்று தெரிவிக்கப்பட்டுள்ளது அந்த வாய்ப்பையும் நழுவ விடுபவர்கள் கலந்தாய்வில் பங்கேற்க முடியாது என்றும் கூறப்பட்டுள்ளது.

மேலும் செய்திகளுக்கு தினச்சுவடுடன் இணைந்திருங்கள்.