இந்தியன் 2 பிறகு சினிமாவில் இருந்து விடைபெறுகிறேன்…!கலங்கிய கமல்..!!!

நடிகரும் மக்கள் நீதி மய்யம் கட்சியின் தலைவருமான கமல்ஹாசன் இந்தியன் 2  திரைப்படத்துக்குப் பிறகு சினிமாவில் இருந்து  விடைபெறுவேன் என்று தெரிவித்துள்ளார்.
கேரளா மாநிலம் கொச்சியில் நடைபெற்ற நிகழ்ச்சி ஒன்றில் நேற்று பங்கேற்ற கமல்  நிகழ்ச்சிக்குப் பிறகு செய்தியாளர்களை சந்தித்தார் அப்போது பேசிய அவர் எங்களுடைய மக்கள் நீதி மய்யம் கட்சி மேற்கொண்டு வரும் பணிகளுக்கு இடையே  இந்தியன் 2 விலும் கவனம் செலுத்தி வருகிறேன்.
இது தான் என்னுடைய திரையுலகப் பயணத்தில் கடைசிப் படமாக இருக்கும்.இனி முழு நேர அரசியலில் ஈடுபட உள்ளதால்  இந்தியன் 2விற்கு பிறகு சினிமாவிலிருந்து விடைபெற்று விடுவேன்.நான் நடிப்பில் இருந்து  ஒதுங்கிவிட்டாலும் என்னுடைய திரைப்பட தயாரிப்பு நிறுவனம் தொடர்ந்து சினிமாவில் அதனுடைய  பங்களிப்பைச் செலுத்தி வரும்.மேலும் இந்தியன் 2 படத்தின் படப்பிடிப்பு விரைவில் முடிந்ததுமே என்னுடைய அரசியல் பணியானது முழு நேரமாக பணியாக மாறும். அடுத்த ஆண்டு நாடாளுமன்றத்துக்குத் தேர்தல் வரஉள்ளது. இந்த தேர்தலில் கண்டிப்பாக மக்கள் நீதி மய்யம் போட்டியிடும்’ என்று தெரிவித்தார்.