அரசியல் சாக்கடை தான்….. நல்லவர்கள் இறங்கினால் பூக்கடையாக மாறும் : சீமான்

• சுத்தம் சுகம் தரும் என்று எழுதும் நேரத்தில் இறங்கி சுத்தம் செய்திருந்தால் தெருவே சுத்தமாகியிருக்கும் என்றும் கூறியுள்ளார்.
• உங்களது வாக்குகளை பணத்திற்கு விற்காதீர்கள். அது போல ஒரு தேச துரோக குற்றம் எதுவுமில்லை என்று தெரிவித்துள்ளார்.

வரும் ஏப்ரல் 18-ம்தேதி மக்களவை தேர்தல் நடைபெறவுள்ளது. எனவே இந்த தேர்தலுக்கான சிறப்பு முன்னேற்பாடுகள் நடைபெற்று வருகிறது. அனைத்து கட்சிகளும் தேர்தல் பணிகளில் தீவிரமாக ஈடுபட்டு வருகிறது.

தமிழகத்தில் நாடாளுமன்றத் தேர்தலுக்கான பிரச்சாரத்தை அரசியல் கட்சியில் தீவிரமாக மேற்கொண்டு வருகின்றனர். இந்நிலையில், நாம் தமிழர் கட்சி தலைவர் சீமான் அவர்கள் பேசுகையில், அரசியல் என்பது ஒரு சாக்கடை தான். ஆனால் அந்த சாக்கடையில் நல்லவர்கள் இறங்கினால் பூக்கடையாக மாறும் என்று தெரிவித்துள்ளார்.

மேலும் அவர் கூறுகையில், காடுகளுக்கும், விலங்குகளுக்கும் கூட அரசியல் உள்ளது என்று தெரிவித்துள்ளார். சுத்தம் சுகம் தரும் என்று எழுதும் நேரத்தில் இறங்கி சுத்தம் செய்திருந்தால் தெருவே சுத்தமாகியிருக்கும் என்றும் கூறியுள்ளார்.

மேலும், தலைவன் நேர்மையற்றவனாக இருந்தால், மக்களையும் நேர்மையற்றவனாக மாற்ற வேண்டியதேவை ஏற்படுகிறது. உங்களது வாக்குகளை பணத்திற்கு விற்காதீர்கள். அது போல ஒரு தேச துரோக குற்றம் எதுவுமில்லை என்று தெரிவித்துள்ளார்.