அய்யாக்கண்ணு மற்றும் விவசாயிகளை முற்றுகையிட்டு பாஜகவினர் வாக்குவாதம்!

பாரதிய ஜனதா கட்சியினர் ,திருவண்ணாமலை மாவட்டம் வந்தவாசியில், நஞ்சில்லா உணவின் அவசியம் குறித்து விழிப்புணர்வு பரப்புரையில் ஈடுபட்ட அய்யாக்கண்ணு மற்றும் விவசாயிகளை முற்றுகையிட்டு வாக்குவாதத்தில் ஈடுபட்டனர்.

77ஆவது நாளாக இந்த பரப்புரையில் ஈடுபட்டு வரும் அய்யாக்கண்ணு, வந்தவாசி தேரடி வீதியில், விழிப்புணர்வு நோட்டீஸ்களை விநியோகம் செய்தபோது இந்த சம்பவம் நடைபெற்றது. அப்போது, மரபணு மாற்றப்பட்ட விதை பயன்பாட்டிற்கு, முன்னாள் பிரதமர் மன்மோகன் சிங் ஆட்சி மீது பாஜகவினர் குற்றம்சாட்ட, நோட்டீஸ் அளித்த விவசாயிகளோ, மோடி அரசின் மீது குறை கூறினர்… அப்போது, தங்களுக்குள், யார் உண்மையான விவசாயி என்பது குறித்து கடுமையான வாக்குவாதத்திலும் ஈடுபட்டனர்….

இதையடுத்து, இரண்டு தரப்பையும் காவல்துறையினர் அமைதிப்படுத்த எடுத்த முயற்சி தோல்வியில் முடிவடைந்தது. பின்னர், ஒருவழியாக, அய்யாக்கண்ணு மற்றும் விவசாயிகளை, அவர்கள் வந்த காரில் ஏற்றி, காவல்துறையினர் அனுப்பி வைத்தனர்…

மேலும் செய்திகளுக்கு தினச்சுவடுடன் இணைந்திருங்கள்.