நீங்கள் குழந்தைகளை பெற்றுக் கொள்கிறீர்கள்…! கல்விக்கான செலவை ஏன் அரசாங்கம் ஏற்க வேண்டும்…! – பாஜக எம்.எல்.ஏ

உங்கள் குழந்தைகளின் கல்விக்கான செலவுகளை அரசாங்கம் ஏன் தாங்க வேண்டும் என்று உத்திரப் பிரதேச பாஜக எம்எல்ஏ ரமேஷ் திவாகர் கேட்டுள்ளார். 

உத்திரப் பிரதேச பாஜக எம்எல்ஏ ரமேஷ் திவாகர் ஒரு பெண் குழுவினரை பார்த்து நீங்கள் குழந்தைகளை பெற்றுக் கொள்கிறீர்கள். உங்கள் குழந்தைகளின் கல்விக்கான செலவுகளை அரசாங்கம் ஏன் தாங்க வேண்டும் என்று கேட்டுள்ளார். இந்த வீடியோ இணையத்தில் வைரலாகி வருகிறது.

தனியார் பள்ளிகளின் கட்டணத்தை தள்ளுபடி செய்வதற்காக, தனது தொகுதியில் நடந்த ஒரு பொது உரையாடலின் போது ஒரு பெண் குழு, அவுரையா எம்எல்ஏ ரமேஷ்  திவாகரை அணுகி கேட்டபோது, அவர் இவ்வாறு தெரிவித்துள்ளார். இதுகுறித்து பாஜக செய்தித் தொடர்பாளர் சமீர் சிங் அவர்கள் கூறுகையில், இந்தப் பிரச்சினை குறித்து எனக்கு தெரியாது. ஆனால், பெண்களிடம் இழிவான முறையில் பேச யாருக்கும் உரிமை இல்லை என்று தெரிவித்துள்ளார்.