28இல் 26 நாங்க தான்.. குறித்து வைத்து கொள்ளுங்கள்.! பாஜக மாநில தலைவர் அண்ணாமலை உறுதி.!

வரும் பாராளுமன்ற தேர்தலில் 28 தொகுதிகளில் 26 தொகுதிகளில் நாங்கள் வெல்வோம். என பாஜக மாநில தலைவர் அண்ணாமலை உறுதியளித்துள்ளார். 

நடந்து முடிந்த கர்நாடக சட்டமன்ற தேர்தலில் காங்கிரஸ் 135 தொகுதிகளை கைப்பற்றி பெரும்பான்மையுடன் ஆட்சியை கைப்பற்றி உள்ளது. கடந்த முறை ஆட்சியில் இருந்த பாஜக 66 தொகுதிகளை மட்டுமே கைப்பற்றி இருந்தது.

தமிழக மாநில பாஜக தலைவர் அண்ணாமலை தான் கர்நாடகா தேர்தல் பொறுப்பாளராக நியமிக்கப்பட்டு இருந்தார். இந்த தோல்வி குறித்து அவர் கூறுகையில், மக்களின் தீர்ப்பை ஏற்றுக்கொள்கிறேன். மக்கள் எப்போதும் நல்ல முடிவுகளை தான் எடுப்பார்கள். பாஜக தோல்வி அடைந்ததால் மத்திய அரசு கர்நாடகாவை கைவிட்டு விடாது. எப்போதும் போல கர்நாடக மக்கள் மீது கவனம் செலுத்தும் என கூறியிருந்தார் அண்ணாமலை.

அடுத்து, வரும் நாடாளுமன்ற தேர்தலில் 28 தொகுதிகளில் 26க்கு மேல் பாஜக வெல்லும். இதனை குறித்து வைத்து கொள்ளும். என பாஜக மாநில தலைவர் அண்ணாமலை உறுதியளித்து இருந்தார்.