பயிற்சி விமானம் விபத்துக்குள்ளானது-விமானி காயம்

புனேவின் இந்தாபூரில் பயிற்சி விமானம் ஓன்று விபத்துக்குள்ளானது. அதிலிருந்த விமானிக்கு சிறு காயங்கள்.

மகாராஷ்டிராவின் புனே மாவட்டத்தில் உள்ள இந்தாபூர் தாலுகாவில் இன்று(ஜூலை 25) காலை பயிற்சி விமானம் ஓன்று விபத்துக்குள்ளானதில் 22 வயது பெண் விமானிக்கு சிறு காயங்கள் ஏற்பட்டதாக உள்ளூர் போலீசார் தெரிவித்தனர்.

மேலும் அந்த விமானத்தில் இருந்த பயிற்சி விமானி பவிகா ரத்தோட் (22), முதலுதவி அளிக்கப்பட்டு, ஷெல்கான் பகுதியில் உள்ள மருத்துவமனைக்கு கொண்டு செல்லப்பட்டடுள்ளார்.

இந்த விமானம் பாராமதி மாவட்டத்தில் உள்ள கார்வர் ஏவியேஷன் நிறுவனத்திற்கு சொந்தமானது என போலீசார் தெரிவித்தனர்.