நாளை முதல் 5 நிமிடத்திற்கு முன்பு வரை டிக்கெட் பெறலாம் – ரயில்வே அறிவிப்பு..!

மார்ச் 25 முதல் நாடு தழுவிய ஊரடங்கு காரணமாக இந்திய ரயில்வே அனைத்து பயணிகள் ரயில் சேவைகளையும் ரத்து செய்தது. பின்னர், சிக்கித் தவிக்கும் புலம்பெயர்ந்த தொழிலாளர்களுக்கு உதவுவதற்காக மே 1 முதல் ஷ்ராமிக் சிறப்பு ரயில்கள் இயக்கத் தொடங்கின.

கொரோனா தொற்றுநோயை அடுத்து, ரயில்கள் புறப்பட திட்டமிடப்பட்ட 2 மணி நேரத்திற்கு முன்னதாக இரண்டாவது முன்பதிவு சார்ட் உருவாக்க மே 11 அன்று அறிவுறுத்தபட்டது. இதைத்தொடர்ந்து, இந்த நடைமுறை அமலில் இருந்தது.

இந்நிலையில், ரயில்வே மீண்டும் விதிகளை மாற்றியுள்ளது. அதன்படி, ரயில் புறப்படும் நேரத்திற்கு அரை மணி நேரத்துக்கு முன்பு தொடங்கி 5 நிமிடத்துக்கு முன்பு வரைஇரண்டாவது முன்பதிவு சார்ட் வெளியிடப்படுகிறது. ரயில் புறப்படும் 4 மணி நேரத்திற்கு முன்னதாக ரயில்வே முதல் முன்பதிவு சார்ட்டை வெளியிடப்படுகிறது.

மேலும், இரண்டாவது முன்பதிவு சார்ட் தயாராகும் வரை டிக்கெட் முன்பதிவு வசதி ஆன்லைன் மற்றும் டிக்கெட் கவுண்டர்களில் கிடைக்கும் என தெரிவிக்கப்பட்டுள்ளது.