62 ஸ்டீல் ஸ்பூன்களை விழுங்கிய இளைஞர்.. 2 மணிநேரம் அறுவை சிகிச்சை.. அதிர்ச்சியில் மருத்துவர்கள்!

உ.பி.யில் 32 வயது இளைஞரின் வயிற்றில் இருந்து 62 ஸ்டீல் ஸ்பூன்கள் அறுவை சிகிச்சை மூலம் அகற்றப்பட்டது.

உத்தரபிரதேச மாநிலம் முசாபர்நகரில் 2 மணி நேர அறுவை சிகிச்சைக்கு பிறகு 32 வயது நபரின் வயிற்றில் இருந்து 62 ஸ்டீல் ஸ்பூன்கள் அகற்றப்பட்டதாக மருத்துவர்கள் தெரிவித்தனர்.

இது குறித்து நோயாளியிடம் மருத்துவர் டாக்டர் ராகேஷ், நீங்கள் ஸ்பூன் சாப்பிட்டீர்களா என்று கேட்டபோது, ​​அந்த நபர் ஒரு வருடமாக சாப்பிட்டு வருகிறேன் என்று நோயாளி கூறியதாக, மருத்துவர் தெரிவித்தார்.

ஒரு சாதாரண நபர் ஒரு கரண்டியை சாப்பிடவது என்பது முடியாது காரியம் என்பதால் நோயாளி மனநல நோயால் பாதிக்கப்பட்டுள்ளதாக மருத்துவர் மேலும் கூறினார்.