ஆம்புலன்ஸ் கிடைக்காததால் கொரோனா பாதித்தவரை பைக்கில் அழைத்து சென்ற நபர்!

ஆம்புலன்ஸ் கிடைக்காததால் தனது கட்சியை சேர்ந்த கொரோனா பாதிக்கப்பட்ட நபரை இருசக்கர வாகனத்தில்ஏற்றி சென்ற திரிணாமுல் காங்கிரஸ் இளைஞர் அணி தலைவர்.

மேற்கு வங்க மாநிலத்தில் ஜார்கிராம் எனும் மாவட்டத்திலுள்ள கோபிபல்லவபூர் எனும் நகரில் திரிணாமுல் காங்கிரஸ் கட்சியை சேர்ந்த ஒருவர் கொரோனா தொற்றால் பாதிக்கப்பட்டுள்ளார். கடந்த ஐந்தாறு நாட்களாக கடுமையான காய்ச்சல் இருப்பதாக கட்சியினர் தெரிவித்துள்ளனர்.

இதனை அடுத்து அவரை ஏற்றிச் செல்ல ஆம்புலன்ஸ் ஏற்பாடு செய்ய முடியாத காரணத்தினால் திரிணாமுல் காங்கிரஸ் கட்சியின் இளைஞரணி தலைவர் சத்யாகாம் பட்நாயக் அவர்கள் பிபிஇ எனப்படும் முழு உடல் கவசம் ஆடையை அணிந்து கொண்டு தனது இருசக்கர வாகனத்திலேயே அவரை மருத்துவமனைக்கு அழைத்து சென்றுள்ளார். இந்த காட்சி இணையதளத்தில் தற்போது  வைரலாகி வருகிறது.