மது வாங்க பணம் தராததால் தாயை தீ வைத்து கொளுத்திய நபர்..!

கேரளாவில், மது வாங்க பணம் தராததால் தனது 75 வயது தாயை தீ வைத்து கொளுத்திய நபர் கைது.

கேரளாவின் திருச்சூரில் 55 வயது நபர் ஒருவர் மதுபானம் வாங்க பணம் தர மறுத்ததால் 75 வயதான தனது தாயை தீ வைத்து எரித்து கொலை செய்ய முயற்சித்துள்ளார்.

இச்சம்பவம் குறித்து போலீசாருக்கு கிடைத்த தகவல்படி, அவர் கைது செய்யப்பட்டு விசாரணை நடைபெற்று வருகிறது. மதுபானம் வாங்குவதற்கு பணம் தர மறுக்கும் போது அந்த நபர் தனது தாயை அடிக்கடி கொடுமைப்படுத்துவார் எனவும் தெரிய வந்துள்ளது.

அந்த மூதாட்டிக்கு பலத்த தீக்காயங்கள் ஏற்பட்டுள்ளதாகவும், இந்நிலையில் அவர் இச்சம்பவம் குறித்து வாக்குமூலம் கொடுத்துள்ளதாகவும் போலீசார் கூறினர்.